СӨ Ил Дархана Айсен Николаев эпидемиологическай балаһыанньанан сибээстээн таһаарбыт ыйааҕыгар уларытыылар киирдилэр.
edersaas.ru
Ол курдук,«О мерах по реализации Указа Президента Российской Федерации от 2 апреля 2020 г. №239 «О мерах по обеспечению санитарно-эпидемиологического благополучия населения на территории Российской Федерации в связи с распространением новой коронавирусной инфекции (COVID-19)» ыйаахха олоҕуран, «Дьокуускай — Аллараа Бэстээх», «Аллараа Бэстээх — Дьокуускай», «Кангаласс— Суотту», «Суотту — Кангаласс» уонна Алдан өрүскэ «Мэҥэ Алдан — Кэскил», «Кэскил — Мэҥэ Алдан» хайысхаларынан «Хивустар» сырыылара тохтообута.
Билигин ыйаахха уларытыылар киирэннэр, «Хивуһунан» анал ыспыраапкалаах эрэ дьон өрүһү туоруохтарын сөп. Холобур, үлэлэрэ тохтооботох тэрилтэлэр үлэһиттэрэ ыспыраапкалаах буоллахтарына; онкологическай ыарыылаах дьон эмтэнэ киирэллэригэр (направлениелаах буоллахтарына); бүөрдэрин үлэтэ кэһиллиилээх (больные хронической почечной недостаточностью) ыарыһахтар гемодиализка кэлэллэригэр; Аллараа Бэстээх ыстаансыйатыгар тимир суолунан кэлбит уонна айанныыр дьон билиэттээх буоллахтарына эрэ «Хивуһунан» туоратыахтара.
edersaas.ru