Нерюнгри полициятын дьуһуурунай чааһыгар анал таҥаһынан хааччыйар тэрилтэ дириэктэрэ эрийэн, ыскылааттан уоруу тахсыбытын иһитиннэрбит.
Оперативниктар бу буруйу оҥорууга уорбаланааччыны туппуттар — ити тэрилтэ ыскылаатыгар үлэлиир 27 саастаах кыладыапсык эбит.
Барыллаан быһаарыынан, таҥастары ыскылааттан кистээн таһааран, сыаналарын түһэрэн интэриниэт-сайт нөҥүө атыылыы сылдьыбыт. Уопсайа 164 тыһ. 800 солк. суумалаах таҥаһы уорбут.
Холуобунай дьыала «Атын киһи баайын-малын иҥэринии» ыстатыйанан тэриллибит. Уорбаланааччы оҥорбут буруйун билинэр көрдөрүү биэрбит.
Бу туһунан СӨ ИДьМ-тын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн
+1
+1
+1
+1
+1
+1
+1