Ол туһунан полицияҕа маҕаһыынтан эрийэн эппиттэр.
Ол эрийбит үлэһит полицейскайдарга быһаарбытынан, уопсайа 800.000 солк. тахса сыаналаах 9 устуука «айфон» (iPhone) төлөпүөннэри маҕаһыын ыскылаатыттан уорбуттар.
Оперативниктар суһал-ирдиир тэрээһиннэр кэмигэр бу уорууга уорбаланааччы кимин быһаарбыттар, түргэнник туппуттар.
Барыллаан быһаарыынан, бу атыы тэрилтэтигэр менеджеринэн үлэлиир, ыскылаакка киирэр көҥүллээх 23 саастаах уол бу «курутуой» төлөпүөннэри араас кэмҥэ биирдиилээн уоран ыла-ыла, сыаналарын аччатан атыылыы сылдьыбыт. Ол 200.000 солк. харчытын бэйэтин тус наадаларыгар туттубут.
Бу чахчынан «уоруу» ыстатыйанан холуобунай дьыала тэриллибитин туһунан СӨ ИДьМ-тын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.