Айылҕа харыстабыла Маны аах Уопсастыба

Ырыынакка Кыһыл кинигэҕэ киирбит көтөрдөрү атыылаатылар

Бу күннэргэ үгүс эр дьон астына кустаатылар, үгүөрүтүк бултуйбуттара да иһиллэр. Ол тута Дьокуускайдааҕы «Сайсары» бааһынай  ырыынагар билиннэ, атыыга кус элбэх.

Ол эрээри, хомойуох иһин, РФ уонна СӨ Кыһыл кинигэлэригэр киирбит көтөрдөрү бултаабыттара билиннэ.

Ырыынакка сылдьыбыт киһи  Кыһыл кинигэҕэ киирбит кустар атыыга баалларын туһунан  тустаах уорганнарга үҥсүбүтүгэр, Ис дьыала министиэристибэтин «Дьокуускайдааҕы» отделениетын полициялара бэрэбиэркэ оҥордулар. Ол түмүгүнэн, ырыынакка  мороду уонна тыһы кустар атыыга бааллара толору бигэргэниллибит. 14 көтөр ортотугар 4 мороду баара биллэр. Атыылааччылар булт быраабылатын 62.30-с  уонна 63-с пууннарын кэспиттэр. Биир мороду ыстырааба 25 тыһыынча солкуобай. 14 кус ыстырааба барыта 152 000 солк. буолбут.  Онон булт быраабылатын тутуһаргытыгар тустаах уорганнар исписэлиистэрэ сүбэлииллэр. Санатар буоллахха, административнай миэрэни сэргэ,  Холуобунай эппиэтинэскэ да тардыллыахха сөп.

 

edersaas.ru

 

 

 

0
0
Telegram @edersaas20