Сүппүт дьону көрдөөһүҥҥэ Үрүҥ Хайаттан тэриллэн барбыт 1-кы уонна 2-с биригээдэлэр Среднэйгэ Кэрэчээнэ, Олег Туприннары уонна Федор Спиридоновы булбуттарын спутниковай төлөпүөнүнэн иһитиннэрдилэр.
Ити Среднэй — Сааскылаах уонна Үрүҥ Хайа икки ардыгар сир ортотугар сытар үрэх. Ол аата Үрүҥ Хайаттан аҕыс көс кэриҥэ. Билигин биригээдэлэр булбут дьоннорун кытта айанныы сылдьаллар.
Үрүҥ Хайа нэһилиэгин баһылыгын солбуйааччы Анна Николаева этэринэн, Туприннаах ити сиргэ бураннара алдьанан тохтообуттар уонна болоххо олорбуттар.
Бөртөлүөт булбатаҕын сиринэн сылдьар Үрүҥ Хайа хоһууттара буллулар. Кинилэр кимнээхтэрий? Апаликов Виктор, Попов Илья, Спиридонов Василий, Спиридонов Петр, Туприн Леонид, Туприн Афанасий. Хотугу хоһууттарга уруй! Дьиҥнээх дьоруойдар!
Василий Никифоров, edersaas.ru
+1
+1
+1
+1
+1
+1
+1