Ырыаһыт Аскалон Павлов киинэҕэ уһулунна

Ааптар: 
Бөлөххө киир:

Сэтинньи 11 күнүттэн Саха сирин киинэ тыйаатырдарыгар «Холодное золото» диэн киинэ көстүөҕэ. Киинэҕэ Аҕа дойду сэриитин кэмигэр олоххо буолбут түбэлтэлэр ойууланаллар. Сүрүн оруоллары ырыаһыт Аскалон Павлов уонна Саха тыйаатырын артыыһа, норуодунай артыыс Петр Баснаев толордулар.

Саҥа киинэ режиссерунан Петр Хики диэн эдэр киһи буолар. Бу иннинэ кини «Хара күлүк» абааһылаах киинэни устубута. Норуот таптыыр ырыаһыта, СӨ Үтүөлээх артыыһа Аскалон Павлов НКВД начаалынньыгын, оттон норуодунай артыыс Петр Баснаев баанда тойонун оонньоотулар. Кинилэри таһынан Эстрада тыйаатырын артыыһа, «Мин үрдүбэр күн хаһан да киирбэт» киинэҕэ сүрүн оруолу толорбут Иван Константинов, Үүнэр көлүөнэ тыйаатырын артыыһа Федот Львов, Мииринэй тыйаатырын артыыһа Вячеслав Шатненко, «Егор Чээрин» киинэҕэ оонньообут Вячеслав Югов, Саха тыйаатырын артыыһа Нюргуяна Шадрина уһулуннулар.

Манна даҕатан суруйдахха, Аскалон Павлов 2016 сыллаахха «Ыллыктар» сэрийээлгэ уһуллан турардаах.

Киинэҕэ 1942 сыл көстөр. Фашистаах Германияны утары сэрии буола турдаҕына Саха сирин соҕуруу өттүгэр көмүс хостуур приискэлэри бандьыыттар халыыллар. Попов баандата халаабыт кыһыл көмүһүн Уһук Илиҥҥэ байыаннай переворот оҥороору мунньар. Баанданы тутаары старшай лейтенант Карасев салалталаах НКВД нэрээтэ халыҥ тайҕанан эккирэтэр.

Киинэ трейлерин көрүҥ:

+1
0
+1
0
+1
0
+1
0
+1
0
+1
0
+1
0