Чараҥ

Ырыатын ыллаан ис дууһаҕытын ыраастаныҥ, туруккутун тупсарыныҥ

Бүгүн бары билэр, сөбүлүүр, өйдүүр терапевт бырааспыт, учуонайбыт, мелодиспыт, ырыаһыппыт ВИТАЛИЙ ТИМОФЕЕВИЧ АНДРОСОВ баара буоллар 70 сааһын томточчу туолуо этэ.

Кинини билбэт, ырыатын ыллаабатах диэн киһи суоҕа буолуо. Виталий Тимофеевич сүгүрүйээччилэригэр эҕэрдэ мааныта буолуохтун!
Бүгүн кини ырыаларын ыллааҥ, истиҥ, ис дууһаҕытын ыраастаныҥ, туруккутун тупсарыныҥ! Кэрэ киһи өрүү КЭРЭ!

 УРАТЫ ТАЛААН
/В.Т.Андросов кэриэһигэр/

Ырыанан дууһаны,
Эминэн туругу
Эргиччи эмтииргэ
Анаммыт курдуга.

Иһирэх майгылаах,
Эйэҕэс эйэлээх
Байаанын тыаһынан
Куппутун тутара.

Улуутун кистэнэн
Сэмэйэ сүрдээҕэ,
Боростуой норуокка
Олуһун чугаһа.

Виталий билиитэ
Элбэҕи кэпсиирэ,
Виталий ырыата
Ыллана туруоҕа!

Уус-Алдан улууһун
Ураты талаана!
Уус-Алдан улууһа
Киэн туттар киһитэ!

Полина-Победа,
Уус-Алдан

Хаартыска: Якутия.Инфо ылылынна

0
0