Саха сирин норуоттарын муусукатын уонна фольклорун түмэлигэр «Ырыам айар куйаара» диэн сонун быыстапка буолаары турар. Бу туһунан түмэлтэн иһитиннэрдилэр.
Сарсын, алтынньы 5 күнүгэр, композитор-мелодист, СӨ култууратын үтүөлээх үлэһитэ, СӨ профессиональнай үөрэхтээһинин туйгуна, Кэбээйи улууһун Бочуоттаах гражданина, өрөспүүбүлүкэтээҕи «Ырыа күнэ» бырайыак ааптара, «Дьүһүй» сахалыы ырыа кулуубун тэрийээччи, саха ырыатын сайдыытыгар олук уурсубут А.К.Калининскай-Луҥха Өлөксөй 65 сааһын көрсө «Ырыам айар куйаара» диэн айар үлэтин кэрэһилиир быыстапката саҕаланар. Киириитэ босхо диэн суруйаллар. Тэрээһини СӨ култууратын уонна духуобунай сайдыытын министиэристибэтэ, Саха сирин норуоттарын муусукатын уонна фольклорун түмэлэ өйөөбүттэр.
Быыстапкаҕа А.К.Калининскай айар үлэтин сырдатар кинигэлэрин, ырыаларын дискэлэрин, урукку уонна билиҥҥи программаларын, араас сыллардааҕы хаартыскаларын, байаанын, кэнсиэргэ кэппит көстүүмнэрин, о.д.а. бар дьон көрүүтүгэр таһаарыа.