Ырыаһыт Павел Семенов Россия экспертнэй сүбэтигэр эстрада искусствотын хайысхатыгар үлэлэһиэ
Санкт-Петербург куоракка РФ культура үлэһиттэрин айар сойуустарын бырабылыанньата сылы түмүктүүр мунньаҕа буолла.
Тэрээһиҥҥэ Дьокуускайтан культура уонна искусство кэллиэһин дириэктэрэ, культура айар үлэһиттэрин эрэгийиэннээҕи сойуустарын бэрэссэдээтэлэ Захар Никитин, эстрада судаарыстыбаннай тыйаатырын артыыһа, СӨ үтүөлээх артыыһа Павел Семенов кытыннылар. Бастатан туран, сыл устатыгар ыытыллыбыт үлэни отчуоттаатылар, былааны билистилэр.
Ол кэнниттэн, эрэгийиэн сойууһун ходатайствотынан Павел Семенов культура үлэһиттэрин айар сойууһугар эстрада искусствотын хайысхатыгар экспертнэй сүбэҕэ киллэрилиннэ. Чилиэнинэн киллэриллибитин туһунан туоһулуур докумуону культура үлэһиттэрин айар сойууһун бэрэссэдээтэлэ Анатолий Константинов туттарда.
Ыспыраапка
«Культура үлэһиттэрин Россиятааҕы айар сойууһа» Бүтүн Россиятааҕы уопсастыбаннай түмсүү 1990 сыллаахха алтынньы 23 күнүгэр сийиэскэ тэриллибитэ. Бүгүҥҥү күҥҥэ диэри айымньылаахтык үлэлээн, биир улахан сойуус аатын сүгэн кэллэ. Дойду 62 эрэгийиэнигэр отделениелаах.