Уус Алдан улууһун Найахы нэһилиэгэр ыам ыйын 22 күнүн, Ньукуолуну, дьон-сэргэ, оҕо-аймах өрө көтөҕүллэн, үөрэн-көтөн көрүстүлэр.
Ол курдук, сарсыардаттан сырдык күннээх халлаан анныгар Найахытааҕы сынньалаҥ киинин үлэһиттэрэ дьоннорун-сэргэлэрин арыылаах алаадьынан, сылаас саламаатынан, кыынньар кымыһынан күндүлээн үөртүлэр.
Киэһэтигэр кулууп дьиэҕэ «Сайыҥҥы күнү ырыанан…» ырыа түһүлгэтэ үрдүк таһымнаахтык ыытылынна. Олус истиҥ ырыалардаах «Айхаллан», » Дьүөгэ» , «Нуурал» , «Найахылар ыллыыллар», «Эрчим» ансаамбыллар кытыннылар.
«Чэчир» оҕо саадын кырачаан иитиллээччилэрэ, Найахы орто оскуолатын үөрэнээччилэрэ ырыа киэһэтин киэргэттилэр.
Найахыбыт талааннара — Дмитрий Готовцев, Евдокия Егорова, Сардаана Харитонова, эдэр ырыаһыттар Юлия Андросова, Саина Иванова ыллааннар, дууһа дуоһуйуутун бэлэхтээтилэр.
Найахылар бу курдук Ньукуолун күнүн бэрт сэргэхтик бэлиэтээтилэр.
+1
+1
+1
+1
+1
+1
+1