Ньурба улууһун Күндээдэтин олохтоохторо, кэргэннии Петровтар Улуу Кыайыы бырааһынньыгар дьиэҕэ олорор биир дойдулаахтарын өйөөн, кинилэри сэргэхситэр туох эрэ интэриэһинэй тэрээһини ыытарга санаммыттара.
edersaas.ru
Евгений Ильич уонна Валентина Николаевна күндээдэлэр ыллыылларын олус сөбүлүүллэрин билэр буолан, кэтэхтэн ырыа күрэһин тэрийэргэ санаммыттара. Кинилэр саастарынан арааран, үс кыайыылаахха анал уонна биэс биһирэбил бирииһи олохтообуттара.
Күрэскэ үгүс киһи кыттыыны ылла. Бэл, ыаллыы Сунтаар улууһун Түбэй Дьаарханыттан тиийэ. Кыттыбыт дьоҥҥо күрэһи тэрийээччилэр дьиэлэригэр тиийэн бириистэри туттардылар.
Ити курдук, Ийэ дойдуга бэриниилээх буолуу сылыгар бэйэ кыаҕынан хас биирдии киһи кыттан, дьоҥҥо үөрүүнү бэлэхтииллэрэ, олус кэрэхсэбиллээх. Ол холобурун кэргэннии Петровтар көрдөрдүлэр.
«Саха сирэ» хаһыакка, edersaas.ru саайтка анаан Венера СТЕПАНОВА,
Ньурба улууһа,
Күндээдэ нэһилиэгэ.
+1
+1
+1
+1
+1
+1
+1