Ыраас уунан хааччыйыы кыһалҕата быһаарыллыаҕа

25.12.2020
Бөлөххө киир:

«Нэһилиэнньэни ыраас уунан хааччыйыы кыһалҕата айылҕа харыстабылын кытта ыкса ситимнээх. Айылҕа харыстабылыгар дьон ис сүрэхтэриттэн баҕаран туран көмөлөһөрө элбээтэ. Бу дьиҥ патриотизм дэниэн сөп. Ол курдук Олег Маклашов, Анатолий Паршин, Амматтан Александра Киренскаяны ааттыахпын сөп. 2018 сыллаахха айылҕа харыстабыла 43 корпоративнай бырагыраамалардаах, олор 6 миллиард 800 мөлүйүөн солкуобай бүддьүөттэнэр эбит буоллаҕына,  бу ааһан эрэр сылга бу суумма икки төгүл элбээтэ. Ыраас уунан нэһилиэнньэни хааччыйыыга Өлүөхүмэҕэ уунан хааччыйар ситим саҥардылынна, Үөһээ Бүлүүгэ уу хаһаайыстыбатын эбийиэктэрэ тутуллан эрэллэр, Жатайга ууну, канализацияны ыраастыыр турбалар үлэҕэ киирэн эрэллэр.

Хас эмит сыл устата сүрүн кыһалҕа буолбут бөх полигонун кыһалҕата дьэ, хамсаан эрэр. 2023 сылга диэри эргэ сыбаалкалары сабыы, саҥалары арыйыы, ону сэргэ, 150 тыһыынча туонна эргиирдээх бөҕү дьаһайар ыстаансыйа тутуллуоҕа. Маннык үлэлээх ыстаансыйалар өрөспүүбүлүкэ кииннэригэр тэриллиэхтэрэ — Бүлүүгэ, Бэстээххэ, Алдаҥҥа, Нерюнгригэ, Ньурбаҕа уонна Мииринэйгэ», — диэн Ил Дархан Айсен Николаев Анал этиитигэр иһитиннэрдэ.

Ульяна Захарова, edersaas.ru

+1
0
+1
0
+1
0
+1
0
+1
0
+1
0
+1
0