РФ Тутууга уонна Айылҕа баайын, экологиятын министиэристибэлэрэ кыра уонна орто куораттар уунан хааччыллар ситимнэрин саҥардарга «Ыраас уу» диэн федеральнай бырайыак оҥорон таһаардылар.
edersaas.ru
Бырайыак пааспарыгар суруллубутунан, 2024 с. диэри ууну ыраастыыр аныгы технологияны олоххо киллэрэргэ, уу ситимин саҥардарга кыра уонна орто куораттарга үбүлээһин харчыта көрүллүөхтээх.
«Аныгы технология төһө баҕарар киртийбит ууну ыраастаан таһаарар кыахтаах. Билигин хас биирдии элбэх кыбартыыралаах дьиэ дьоҕус химичэскэй собуот курдук үлэлии турар. Иһити, таҥаһы, дьиэни, сантехниканы сууйар-сотор, дезинфекциялыыр тэриллэр тобохторо барыта ууга түһэн иһэр. Ол иһин кыраантан кэлэр ууну аныгы технологияны туһанан, кичэйэн туран ыраастыахха наада», — диэн этэр РФ ОДьКХ уонна тутуу миниистирин солбуйааччы Андрей Чибис.
Марианна Тыртыкова, «Саха сирэ», edersaas.ru