Ыраас уу: Виктор Романов Саха сиригэр уунан хааччыйар эбийиэктэри тутуу хаамыытын көрдө
Саха сиригэр уунан хааччыйар эбийиэктэри ханна туталларый?
Бэҕэһээ СӨ ОДьКХ уонна энергетикаҕа миниистирин бастакы солбуйааччы Виктор Романов салалтатынан “Дьиэ-уот уонна куорат эйгэтэ” национальнай бырайыак “Ыраас уу” бырайыагын чэрчитинэн уунан хааччыйар эбийиэктэри тутууну көрдүлэр.
2021 сылга уунан хааччыйар биэс эбийиэк олоххо киирэр: Өлүөхүмэ куораты уунан хааччыйыы тиһигин саҥардыы иккис түһүмэҕэ, Хаҥалас улууһун Покровскай куоратыгар уонна Горнай Бэрдьигэстэээҕэр ууну ыраастыыр ыстаансыйа, Үөһээ Бүлүүгэ уонна Андреевскайга уунан хааччыйар ситим.
“СӨ ОДьКХ” ГУП генеральнай дириэктэрин солбуйааччы Лев Соров иһитиннэрбитинэн, Өлүөхүмэҕэ ууну мунньар тутуулары ыытыыга даамбаны кутуу эрэйиллэр, ол эрээри уу таһыма үрдүгүттэн үлэни саҕалыыр кыаллыбат. Эбийиэги 2022 сыл бүтүүтэ былаанныыллар.
Покровскайга ууну ыраастыыр ыстаансыйаны тутууга болдьохтон кыратык хаалыы тахсыбыт. Тимир каркасс арааматын монтажтааһын – 60 %, тас истиэнэлэри — 30%, блоктан ис истиэнэтин ууруу — 60% туолбут.
Виктор Романов “Судаарыстыбаннай сакаасчыт сулууспатыгар” тутууну түргэтэтэргэ соруйда.
Үөһээ Бүлүү сэлиэнньэтигэр уонна Андреевскайга уунан хааччыйар носуостаах ыстаансыйаны тутууга 5 км турба, фитинг, задвижка тиэрдиллибит, холуодьастары иһэрдии үлэтэ ыытыллар. Билигин манна үс биригээдэ үлэлиир.
Бэрдьигэстээххэ тутуу ыытыллар олоҕун бэлэмнииллэр.
СӨ ОДьКХ уонна энергетикаҕа министиэристибэтэ
Бэлэмнээтэ Женни Стрюкова
Хаартыска: тустаах саайтан