Ааспыт субуотаҕа «От күөх саас-2017» диэн Бүтүн Арассыыйатааҕы экология субуотунньуга ыытылынна. Арассыыйа мөлүйүөнүнэн олохтооҕо бэйэтэ олорор сирин-уотун ыраастыы, хомуйа таҕыста. Саха Өрөспүүбүлүкэтэ, ол иһигэр Доруобуйа харыстабылын министиэристибэтэ, субуотунньукка көхтөөхтүк кытынна.
Доруобуйа харыстабылын министиэристибэтэ, биэдэмистибэлэрэ, балыыһалара, поликлиникалара субуотунньукка бүттүүн туруннулар. Кинилэр куорат биир саамай уһун уулуссатын – Лермонтов уулусса бөҕүн-сыыһын ыраастаатылар. Субуотунньукка барыта 593 киһи таҕыста.
Үлэ кэлэктииптэрэ 500-чэ куул бөҕү-сыыһы хомуйдулар. Оттон Михаил Охлопков салайааччылаах Доруобуйа харыстабылын министиэристибэтин кэлэктиибэ 30-тан тахса куулу хомуйда.
Ыраас куорат – сибиэһэй салгын, доруобуйа мэктиэтэ.
Надежда ЕГОРОВА, «Саха сирэ» хаһыат, edersaas.ru