Соторутааҕыта бииргэ үөрэммит дьүөгэбит Ирина Петровна Спиридонова куоракка кэлэн 60 сааһын бэлиэтээтэ.
Кини 1984 сыллаахха СГУ саха салаатын бүтэриэҕиттэн Анаабырга ананан үлэлии барбыта. Күн бүгүнүгэр диэри Үрүҥ Хайа орто оскуолатыгар саха тылын учууталынан, билигин директоры үөрэх чааһыгар солбуйааччынан үлэлиир. Олохтоох уолга кэргэн тахсан, Анаабыр улууһун маанылаах кийиитэ, икки оҕо тапталлаах ийэтэ, үс сиэн эбээтэ.
Ирабыт юбилейа аата да этэринэн, «Хотугу суһум алгыстаах ырыатынан» диэн дьоро киэһэтэ олус үчүгэйдик, өрө көтөҕүллүүлээхтик ааста. Бииргэ төрөөбүттэрин, аймахтарын сэргэ, Анаабыртан бииргэ үлэлиир оскуолатын коллектива, кэргэнэ Гавриил өттүттэн аймахтара халыҥ хахханан кэлэн, Ира үөрүүтүн үллэстэн истиҥ тылларын анаатылар. Ираны салайааччы, учуутал быһыытынан үрдүктүк сыаналыылларын үөрэ иһиттибит. Оскуолаҕа хаал, уурайыма диэн ыллыктаах тылларын эттилэр. Биһиги Ирабыт үлэтэ үрдүктүк сыаналанан РФ үөрэҕириитин бочуоттаах үлэһитэ диэн үрдүк ааты сүгэр. Хас биирдии ыалдьыт ырыа кэһиилээх, үҥкүүлэээх кэлэн, дьэ чахчы хотугу суһум алгыстаах ырыатынан халлааҥҥа тиийэ көтө сыһа үҥкүүгэ уйдардыбыт. Ол оннук Ира бырааттара Афанасий, Анатолий ыллаан, үҥкүүгэ угуйан дууһалыын сынньанныбыт. Верабыт аал уот оттон алгыстаата, музыкальнай нүөмэрин сопрано куолаһынан ыллаата, мин күн хаамыытынан эргитэн оһуокайдаан доллоһуттум. Таня, Иза, Мария, Наташа истин иһирэх тылларын анаатылар. Күндү Ира, үөрүүлээх үбүлүөйүгэр ыҥырыллан, Сэргэлээх сэмэй ыччаттара үөрүү кыыма күлүмнээтэ. Махталы кытары Күндү Ирабыт дьоллоох буол диэн алгыстаах тылбыт арчылаатын. Ира кыыһа, сиэннэрэ эмиэ олус ырыаһыттар эбит. Ырыа куккут күн уотунуу сырдыы сырыттын.
Бу дьоро күнүгэр Ирабытыгар Сэргэлээххэ бииргэ үөрэммит доҕотторум элбэх үтүө санааны эппиттэриттэн, барыбыт саныырбыт курдук, устудьуоннар учууталлара, ХИФУ преподавателэ Мария Семеновна Винокурова олус бэргэнник маннык эттэ.
— Син элбэхтик көрсөр курдукпут да,олох Анаабыр алмааһыныы,(бэртээхэй тэҥнэбили туттар эбиттэр) атын күлүмүрдэс кырыыларгын саҥа арыйдым.
1. Төрөппүттэргин солбуйбут,бииргэ төрөөбүттэргэр суон дурда,халыҥ хахха буолбуккун.Кэрэ майгыгынан,ыллыктаах толкуйгунан,сатаан былаанныыргынан,олох сүнньүн таба тутаргынан ураты ЭДЬИИЙ эбиккин.Тэппит атаххын кубулутума.
2. Үрүҥ Хайа олохтоохторун санааларын,Гавриил Николаевич аймахтарыгар саха киһитин сиэрин тутуһаргынан улахан ытыктабылы ылбыккын.Олохторун эйгэтин,УОЛЛАРЫН КӨМҮС курдук тутаҥҥын, нэһилиэк саамай эрэнэр,тарбахха баттанар эр киһитэ оҥорбуккун,талаанын,олоххо саҥа саҕаҕы арыйарыгар көмөлөспүккүн (ол туһунан баһылык бэркэ бэлиэтээн эттэ) Саха дьахтара ҮТҮӨ САНААТЫНАН, ӨЙДӨӨХ ТОЛКУЙУНАН ОНУ СИТИҺЭР. Дьахтар эрэ барыта кыайбат суола.
3.Үрүҥ Хайа нэһилиэгин,оскуолатын кэлэктиибин УЛАХАН ЫТЫКТАБЫЛЫН,ҮӨРЭТЭР ОҔОЛОРГОР УЛАХАН ӨЙӨБҮЛҮ ,ПЕДКЭЛЭКТИИБКЭР дьиэҕэр олордуоххар диэри ,үөрэххэ батыһыннара сылдьан үөрэттэриэххэр диэри наар ҮТҮӨ САНААНАН салайтарбыккын.Дьонуҥ ону бэлиэтээн этэллэр.48 кийиити улаханнык толкуйдаппыккын.Анаабыр хоһуун дьонугар,ураты айылҕатыгар, бэйэҥ да билбэккинэн,быһыылаах,УЛАХАН ТАПТАЛ,ДОЙДУНАН КИЭН ТУТТУУ холобурун иҥэрэр,көрдөрөр эбиккин.Хоту дойду суһума сүрэххин сүүйбүт.Ол таптал хаһан да сүппэтин,САЙДЫЫ ТЫЫНА БАРЫЛАРЫГАР БААРА УОСТУБАТЫН.
4. Көнө,чиэһинэй майгыҥ,олох кыһалҕатын чаҕаарыччы күлэн аһарар майгыгын (ийэҥ барахсан майгыта иҥэрбит майгытын хатастар бэлиэтээтилэр)хаһан да ыһыктыма.ОЛОХХОР ҮТҮӨНҮ ТҮСТЭЭБИТЭ ҮГҮС ЭБИТ.
5.Туппуккун ыһыктыбат,оҥорбуккун тиһэҕэр тириэрдэр,тарбаххар талааҥҥын өссө да сайыннаран,атын хайысханы кэҥэтэн,баһылаан ис.Хотугу сахалар туох суумкалаах,бэрэмэдэйдээх,көс омук иискэ технологиятыгар нуустаҕын ууран үлэлэстэргин.Кэнэҕэһин кэнэҕэс производство биир салаатын быһыытынан үлэлэһэр гына, толкуйдаан иһиэххит буоллаҕа.
Марта Николаева, суруналыыс