Нам улууһун Партизан нэһилиэгэр субуотунньуктар ыраастаныы ыйыгар субуотунньуктар тиһиктээхтик ыытыллаллар.
Нэһилиэк тэрилтэлэрэ тэрээһиннэргэ көхтөөхтүк кытталлар.
Бу туһунан Партизан нэһилиэгиттэн уопсастыбаннай кэрэспэдьиэн Полина Скрябина кэпсиир: «Сайылык» оҕо саадын таһын кэлэктиип ыраастаан баран, оҕуруоттарын, сибэкки арааһын олоттулар. Нэһилиэк эр дьоно сыл аайы субуотунньукка көхтөөхтүк кытталлар. Бүтэйбит өрүү ууга барар буолан, нэһилиэк сылгыта уонна сүөһүтэ мэччийэр «Чомоорко» бааһынатын абырахтыыллар. Бу үгэскэ кубулуйбут субуотунньуктарбыт саас-күһүн буолаллар. Сотору олохтоох сыбаалка хомууругар күргүөмүнэн тахсыахпыт», — диэтэ.
Елена ПОТОЦКАЯ Саха сирэ хаһыат, edersaas.ru
+1
+1
1
+1
+1
+1
+1
+1