«Чурапчы» кэпэрэтиип салайааччыта Николай Аржаков иһитиннэрэринэн, быйыл Чурапчы улууһун үрдүнэн 7600 туонна үүт соҕотуопкаланыахтаах.
edersaas.ru
Билиҥҥи туругунан 453,4 туонна үүт туттарыллыбыт, ити былырыыҥҥы туһааннаах кэмиттэн 80,5 туоннанан элбэх. Улуус киинигэр баар үүт собуота уонна Мугудайдааҕы астыыр кэмбинээт итиэннэ нэһилиэктэрдээҕи сыахтар бары ирдэнэр санитарнай нуормалары толору тутуһан үлэлии-хамсыы тураллар.
Үлэһиттэр коронавирус дьаҥыттан харыстанар тэриллэринэн хааччыллыбыттар. Кэпэрэтиип маҕаһыннарыгар хаассалар түннүктэригэр өстүөкүлэлэр туруоруллутар, атыылааччылар мааскалаах уонна эрэһиинэ бэрчээккилээх сылдьаллар.
Маҕаһыыннар ааннарыгар мааскалаах эрэ киириллэрин туһунан биллэриилэр ыйаннылар диэн дьаһалта пресс-киинэ иһитиннэрэр.
Раиса Сибирякова, «Саха сирэ» хаһыат, edersaas.ru
Хаартыскалар хаһыат архыыбыттан ылылыннылар.
+1
+1
+1
+1
+1
+1
+1