Ырыаҕа “Ыллыыр оҕо саас” оҕо куораттааҕы 22-с куонкуруһун балаһыанньата билсиҥ.
Тэрийээччилэр:
— Дьокуускай куорат Култуураҕа уонна духуобунай сайдыыга управлениета.
— Дьокуускай куорат “Норуот айар талаанын уокуруктааҕы киинэ” МБУ
— Хатас сэлиэнньэтин “Тускул” Култуура киинэ.
Ыытыллар сирэ: Хатас сэлиэнньэтэ, “Тускул” Култуура киинэ.
Ыытыллар кэмэ: 2019 сыл кулун тутар 2-4 күннэрэ.
Куонкурус сыала:
Саха Өрөспүүбүлүкэтин сиригэр-уотугар оҕо уонна ыччат ырыатыгар айар дьоҕуру сайыннарыы
Соруктара:
— оҕо ырыатын искусствотын тарҕатыы;
— толорор маастарыстыбаны үрдэтии;
— саҥа талааннары арыйыы;
— салайааччылар идэҕэ маастарыстыбаларын таһымын үрдэтии.
Куонкуруһу ыытыы усулуобуйалара уонна бэрээдэгэ:
Куонкуруска биирдиилээн ырыаһыттар, икки (дуэт), үс (трио) буолан толоруу, ансаамбыллар (4-11 киһи), хордар (12-тэн саҕалаан киһи) кытталлар. Куонкуруска өрөспүүбүлүкэ улуустарыттан кыттааччылар киллэриллэллэр. Ону сэргэ “Ыллыыр оҕо саас” ырыа куонкуруһун араас сыллааҕы лауреаттара уонна номинаннара (Гран-при хаһаайыннарыттан уратылар) киирэллэр.
Кыттааччылар ханнык ырыаны толороллоро:
-Ханнык баҕарар тылынан араас майгыннаах икки айымньыны толоруу.
— Оскуола иннинээҕи саастаах араҥа кыттааччылара 1 ырыаны толороллор.
Мусукаалынай доҕуһуол быһыытынан фонограмма эбэтэр тыыннаах доҕуһуол туттуллуохтарын сөп.
Куонкурус маннык араҥаларынан ыытыллар:
1. 4-6 саастаахтар – оскуола иннинээҕи саастаах оҕолор араҥалара;
2. 7-10 саастаахтар – кыра саастаахтар араҥалара;
3. 11-13 саастаахтар –орто саастаахтар араҥалара;
4. 14-17 саастаахтар – улахан саастаахтар араҥалара.
Сыаналар сүрүн бэлиэлэрэ (критерийдэрэ): 10 бааллаах систиэмэнэн сыаналаналлар:
• Толорооччу репертуара сааһыгар уонна бэйэтин кыаҕар сөп түбэһиитэ;
• Кыттааччы толорор култууратын уонна вокалга таһыма: мусукаалынаһа, артыыстыыр дьоҕура, куолаһын тембрэ; интонациятын ырааһа; дикцията; диапазона;
• Сценаҕа туттар-хаптар култуурата.
Дьүүллүүр сүбэ: бэрэссэдээтэллээх дьүүллүүр сүбэ састааба тэриллэр, ону айар кэлэктииптэр салайааччыларыттан, култуура уонна искусство диэйэтэллэриттэн турар куонкурус тэрийэр кэмитиэтэ бигэргэтэр.
Наҕараадалааһыннар:
— Гран-при
— 1-2-3 истиэпэннээх лауреаттар;
— Дипломаннар;
— Дьүүллүүр сүбэ көрүүтүнэн эбии номинациялар иҥэриллэллэр.
— Куонкуруска кыттыбыттарга барыларыгар уонна салайааччыларга кыттыбытын туһунан сэртипикээт бэриллэр.
Тэрээһин боппуруостара.
• Ансаамбыл (ансаамбыллар, хор) кыттааччыларыттан киирии төлөбүр — 300 солк.
• Биирдиилээн толорооччулартан (дуэт, трио)– 500 солк.
Айан, олорор сир, аһылык ороскуота кыттааччы бэйэтин эбэтэр куонкуруска ыытар өрүттэр суоттарыгар төлөнөр.
Сайаапкалар 2019 сыл олунньу 28 күнүгэр диэри ылыллаллар.
Сайаапкаларгытын уонна интэриэһиргиир боппуруостаргытын 409-366@mail.ru электроннай почтаҕа ыытыаххытын сөп.
Дьокуускай куорат, Хатас с., Совхозная 31/1 уулусса, «Тускул» Култуура киинэ.
төл., факс: 8 (4112) 40-93-66, эл. почта: 409-366@mail.ru
сайт: тускул.рф
Толорооччу: Окорокова Татьяна Григорьевна 8964-423-4108