Маны аах

Ыксаллаах быһыы-майгы эрэсиимэ уһулунна

Улахан ойуур баһаардара умуоруллубуттарынан сибээстээн, өрөспүүбүлүкэҕэ биллэриллибит ыксаллаах быһыы-майгы эрэсиимэ уһулларын туһунан бүгүн Ил Дархан ыйааҕа таҕыста. Бу туһунан Айсен Николаев “Ойуур баһаарын умуруоруу кыттыылааҕа” диэн бэлиэлэри туттарыы кэмигэр иһитиннэрдэ.

Санатан эттэххэ, Саха сиригэр IV-V кылаастаах ойуур баһаардара тураннар, бэс ыйын 23 күнүттэн эрэгийиэннээҕи ыксаллаах быһыы-майгы эрэсиимэ биллэриллибитэ. Билиҥҥи туругунан, өрөспүүбүлүкэбитигэр 50 сиринэн кыра баһаардар бара тураллар. Нэһилиэнньэлээх пууннарга, дьон-сэргэ олоҕун хааччыйар улахан эбийиэктэргэ уот кутталы үөскэппэт.

Ыксаллаах быһыы-майгы уһуллан, Ил Дархан бултааһыҥҥа туһаайыллыбыт ыйааҕа көтүрүлүннэ. Онон Саха сиригэр бултааһын балаҕан ыйын 15 күнүттэн көҥүллэниэҕэ.

Аграфена КУЗЬМИНА.

1
0