Ыйытыы: Тыаттан киирэ сылдьар аймаҕым кыбартыыра атыылаһаары дьиэ көрдөнөр. Онно көмөлөһөн, көх-нэм буолан арыаллыыбын. Хас да дьиэҕэ сырыттыбыт. Кыбартыыра атыылаһарга ханнык ыйытыылары биэриэххэ сөбүй? Санаабар, таах көрө эрэ сылдьар курдукпут. Иккиэн манныкка уопуппут суох.
Юрист Елена Плохута сүбэлиир:
— Атыылааччы бу дьиэни-уоту хайдах ылбытын туоһулаһыаххытын наада. Атыылаһааччыны бу ылыан баҕарар кыбартыыратыгар хас бас билээччи баарын чуолкайдыахтаах. Маны сэргэ бас билээччилэр кэккэлэригэр сааһын ситэ илик оҕо баарын дуу, суоҕун. Хас киһи регистрацияламмытын туоһулаһаргытын умнумаҥ. Ону сэргэ, баҕар, атыылааччы бу кыбартыыраҕа истиэнэтин эҥин көтүрэн уларытыы оҥорбута буолуо. Ол оҥорбута сокуонунан бигэргэммит буолуохтаах. Уонна БТИ докумуоннарынан бигэргэнэр. Хайа, уонна кыбартыыраҕа хомунаалынай иэс баарын, суоҕун ыйыталаһыҥ. Атыылааччыттан булгуччу ыспыраапка ирдииргит наадалаах. Итинтэн да атын ыйытыылары биэрэргитин умнумаҥ.
Бэлэмнээтэ Женни СТРЮКОВА, edersaas.ru
Хаартыска: интэриниэттэн
+1
+1
+1
+1
+1
+1
+1