Ыйытыы: Риэлторы кытыннарбакка эрэ кыбартыырабын атыылыыр буоллахпына, туох куттал баар буолуон сөбүй?
А.Алексеева.
Ыйытыыга “Сулус недвижимость” хампаанньа салайааччыта Дмитрий Габышев маннык хоруйдаата:
— Дьиэ атыылааччы дьон ардыгар хамсаабат баайы-дуолу кытта үлэлиир исписэлииһэ суох атыылыырга сананааччылар. Ол эрээри, биллэн турар, хас биирдии атыылаһыы-атыылааһын (сделка) киһи анаан-минээн бэйэтэ көрүүтүн уонна докумуон хомуйуутун үксүн ирдиир. Ардыгар атыылааччы дьон биһиги өҥөбүтүн туһанымаары бэйэлэрэ атыылыырга сананан баран, төттөрү эргиллэн кэлэн, сүбэ-ама көрдөөрү төннөн кэлээччилэр. Эппитим курдук, докумуон хомуйуута уустук соҕус буолар. Ол курдук, сорох дьон дьиэлэрин приватизация нөҥүө ылбыт буолаллар, сорохтор федеральнай бырагыраама нөҥүө, ийэ хапытаалын туттубут буолааччылар, баан нөҥүө ылан баран, солуокка сылдьар дьиэлэрин атыылааччылар. Ардыгар нотариус нөҥүө оҥоһуллар сделкалар уонна да атын араастар баар буолаллар.
Өскөтүн дьиэҕитин атыылыыбыт диэн санаалаах буоллаххытына эбэтэр докумуон өттүгэр ыарырҕатар буоллаххытына, биһиги хампаанньабытыгар хамсаабат баайы-дуолу эргитии ааҕыныстыбатыгар кэлэн сиһилии сүбэлэтиэххитин сөп.
Биһиги нэһилиэнньэни кытта ыкса, көхтөөхтүк үлэлэһэбит. Аадырыспыт: Лермонтов уулусса 47 нүөмэрдээх дьиэтэ, 4 этээс, 20 кэбиниэт. “Сулус недвижимость”. Билсэр нүөмэргит: 705-735.
Бэлэмнээтэ Женни СТРЮКОВА, edersaas.ru
Хаарытска: интэриниэттэн