— Хомунаалынай өҥө төлөбүрүгэр субсидиянан туһаммыт киһи. Ханнык түгэҥҥэ аккаастыахтарын сөбүн туһунан билиэхпитин баҕарабыт.
Никаноровтар.
Ыйытыыга “Субсидиялар ааҕыныстыбалара” СӨ ГКУ саайтыттан хоруйу ыллыбыт:
Дьиэ-уот хомунаалынай өҥөтүгэр субсидиянан туһаныыга аккаастыахтарын сөп. Олортон аҕыйах холобуру ааттыыбыт:
1.Холобур: Тустаах аадырыска икки оҕолоох ыал олорор. Бас билиигэ өлүүлэһиилэрэ дьиэ кэргэн бары чилиэннэрин икки ардыгар ¼-диитэ. Бу аадырыска ийэлэрэ икки оҕотунуун регистрациялаахтар. Ыал аҕата субсидия ылаары гынар. Киниэхэ субсидияны биэриигэ аккаастыахтара, тоҕо диэтэххэ, бу ыал аҕата олорор сиринэн бастайааннай бырапыыската суох. Онон маннык түгэҥҥэ ийэлэрэ субсидия көрдүөн сөп, биитэр аҕалара тустаах аадырыска бастайааннай регистрацияланан баран.
- Өскөтүн гражданин дьиэ-уот хомунаалынай өҥөтүгэр иэстээх буоллаҕына.
Холобур: Биэнсийэлээх гражданка субсидия көрдөөбүт. Элбэх кыбартыыралаах дьиэҕэ уопсай баайы-дуолу хапытаалынай өрөмүөннээһин усунуоһугар 100 солкуобай иэстээх эбит. Киниэхэ субсидияны биэриигэ аккаастыахтара, тоҕо диэтэххэ, РФ Дьиэ-уот кодексатыгар олоҕуран хапытаалынай өрөмүөн усунуоһун төлөөһүн хомунаалынай өҥө кэрискэтигэр киирэр. Дьиэ саахалланар туруктааҕынан билиниллибит эбэтэр бу гражданка хапытаалынай өрөмүөн усунуоһуттан босхоломмут түгэннэриттэн уратыларга. Гражданка иэһин төлөөн баран, хаттаан субсидия көрдүөн сөп.
Бэлэмнээтэ Женни Стрюкова