СӨ Сыана бэлиитикэтин судаарыстыбаннай кэмитиэтигэр социальнай ситимнэринэн Дьокуускай куоракка килиэп сыаната үрдээбитин туһунан иһитиннэрии киирдэ.
edersaas.ru
Дьокуускайдааҕы килиэби астыыр кэмбинээт (ЯХК) салалтата уонна Дьокуускай куорат дьаһалтатын сыана бэлиитикэтигэр исписэлиистэрэ иһитиннэрбиттэринэн, балаҕан ыйын 1 күнүттэн Дьокуускайдааҕы килиэби астыыр кэмбинээккэ сыана үрдээбэтэх. Туһааннаах кэмбинээт өрөспүүбүлүкэ киин куоратыгар уонна чугастааҕы улуустарга килиэп бородууксуйатынан хааччыйар сүрүн предприятиенан буолар.
Онтон сыана ханнык предприятиеҕа үрдээтэ? Ол курдук коронавирус дьаҥын утары охсуһууга санитарнай ороскуот элбээбититтэн, Нөмүгүтээҕи килиэп кэмбинээтигэр сыана үрдээбит.
Социальнай суолталаах аһы-үөлү олохтоох салайыы уорганнара хонтуруоллуур эбээһинэстээхтэр. Ол курдук үрдүк категориялаах уонна бастакы суортаах сэлиэһинэй бурдуктан оҥоһуллубут килиэп итиэннэ «Дарницкай» килиэп социальнай суолталаах ас-үөл испииһэгэр киирэр буолан, атыы-эргиэн эбилигэ (торговая надбавка) судаарыстыбанан бэрээдэктэнэр.
edersaas.ru