– Үлэлиир биэнсийэлээхпин. Больничнай илииһинэн туһанар кыахтаахпын дуо?
М.Слепцова.
Ыйытыыга Социальнай страховкалааһын пуондатын Саха Өрөспүүбүлүкэтигэр отделениетын пресс-сулууспатын салайааччыта Виктория Баишева маннык хоруйу ыытта:
– Дьиэттэн тахсыбакка олоруунан сибээстээн, 65-тэн үөһээ саастаах дьон таһырдьа тахсыбаттарыгар сүбэлиибит. Харантыын кэмигэр больничнай илиис 65-тэн үөһээ саастаахтарга төлөнүө. Онон больничнай илииһи муус устар 6 күнүттэн 19 күнүгэр диэри 1955 сыл муус устар 6 күнүгэр эбэтэр эрдэ төрөөбүт 65-тэн үөһээ саастаах дьон ылыахтарын сөп, өскөтүн тэйиччиттэн үлэлээбэккэ,
дьиэттэн тахсыбакка олорор буолkахтарына. Маны ыларгытыгар үлэни биэрээччи Социальнай страховкалааһын пуондатын СӨ отделениетыгар быстах кэмҥэ үлэлээбэтигэр босуобуйаны толорууга бу киһи туһунан чахчылары тиксэриэхтээх. Үлэлиир биэнсийэлээхтэр дьиэттэн тахсыбакка олоруу эрэсиимин тутуһуохтаахтар. Харантыын кэмигэр больничнай илииһи ыларга аҕа саастаах
дьон ханнык да былааҥканы толорботтор. Үлэни биэрээччи үлэһитин туһунан чахчылары пуондаҕа бэйэтэ тиксэрэр. 65-һин ааспыт үлэһит больничнай илиис ылыан баҕарарын туһунан төлөпүөнүнэн, СМС-нан эбэтэр электроннай буостанан этиэн сөп. Больничнай илиис төлөбүрэ гражданнарга быһаччы тустаах пуондаттан түһүөҕэ. Төлөбүрдэр үлэлээбэт буолуу туһунан электроннай илиис оҥоһуллубут күнүттэн 7 халандаарынай хонук иһинэн киириэхтэрэ.
Хаартыска ulpravda.ru
edersaas.ru, бэлэмнээтэ Женни Стрюкова
+1
+1
+1
+1
+1
+1
+1