Ил Дархан Егор Борисов салгыы ханна үлэлиэҕин туһунан санаалара.
www.edersaas.ru
Эрэдээктэрдэргэ иһитиннэриитин кэнниттэн, салгыы ханна үлэлиир санаалааҕын туһунан ыйытыыга, кини “бачча кэм устата мунньуммут уопута өрөспүүбүлүкэҕэ, дойдугар туһалыырыгар эрэнэрин” эттэ:
“Салгыы да өрөспүүбүлүкэ таһымыгар үлэлииргэ бэйэбин көрөбүн, ол эрэн федеральнай таһымҥа да этиилэр эмиэ бааллар. Толкуйдуом. Киһи буоллаҕым, ый кэриҥэ сынньаныам, онтон быһаарыныыбын эһиэхэ биллэриэм.
Уурайар төрүөтүн Егор Борисов дойдуга буола турар уларыйыыларынан сибээстээтэ, саҥа кэмҥэ саҥа салайаачы наадатын эттэ:
-
Тус бэйэм баҕабынан барабын. Мин үлэбэр дойду салалтатыттан ханнык даҕаны астыммат буолуу суох. Саха сирэ билигин дойду үрдүнэн биир саамай туруктаах эрэгийиэн буолар.
Прокопий БУБЯКИН, «Саха сирэ» хаһыат кылаабынай эрэдээктэрэ.
Анлдрей СОРОКИН хаартыскаҕа түһэриитэ.
ЫСПЫРААПКА
Борисов Егор Афанасьевич.
Судаарыстыбаннай уонна политическай деятель, Саха Өрөспүүбүлүкэтин Президенэ (2010 сыл бэс ыйын 17 күнүттэн), Саха Өрөспүүбүлүкэтин Ил Дархана (2014 сыл балаҕан ыйын 27 күнүттэн).
1954 сыллаахха атырдьах ыйын 15 күнүгэр Чурапчыга төрөөбүтэ.
1974 с. Новосибирскайдааҕы Тыа Хаһаайыстыбатын институтугар үөрэнэ киирбит,
1979 с. бүтэрэн инженер-механик идэтин ылбыт.
1973—1991 сс. ССКП чилиэнэ,
2007 с. ыла «Биир Ньыгыл Россия» баартыйа чилиэнэ.
1991 — СӨ тыатын хаһаайыстыбатын миниистрин солбуйааччы.
1998 — Саха Өрөспүүбүлүкэтин тыатын хаһаайыстыбатын миниистрэ.
2003 — Саха Өрөспүүбүлүкэтин бырабыыталыстыбатын бэрэссэдээтэлэ,
2010 сыл от ыйын 17 күнүттэн — СӨ президенэ.
2014 сыл муус устар 24 күнүттэн — Саха Өрөспүүбүлүкэтин Баһылыгын эбээһинэһин толорооччу.
2014 сыл балаҕан ыйын 14 күнүттэн — 2018 сыл ыам ыйын 28 күнүгэр диэри — Саха Өрөспүүбүлүкэтин Ил Дархана.
Кэргэннээх, икки оҕолоох, сиэннэрдээх.