Амма улууһун Чакыр нэһилиэгин «Ньургуһун» уһуйаан (сэбиэдиссэй Дария Лукина) үлэһиттэрэ «Кэскил» хаһаайыстыба (биригэдьиир Светлана Григорьева) ыҥырыытын ылынаммыт, күргүөмүнэн хотон сыбааһыҥҥа сыллата субуотунньуктуубут.
Сахабыт сирин кылгас сайына биллибэккэ ааста. Кыстыкка киирии — хас биирдии тыа киһитин долгутар, хамсатар кэми бэркэ туһанныбыт. Хаһаайыстыбаҕа көмө кэһиллибэт үгэс буолла диэтэхпитинэ сыыспаппыт. Ыанньык, ньирэй, субан сүөһү кыстыыр хотоннорун сыбыыбыт. Урукку сылларга оҕуһунан тиэйэр, кутар буоллахпытына, быйыл тыраахтар таста. Онон үлэбит биллэ чэпчээтэ. Маннык тэрээһиннэргэ кэлэктиип куруутун көхтөөхтүк кыттар, субуотунньуктар үлэһиттэри биир киһи курдук түмэ тардаллар. Чэбдик салгыҥҥа тахсан эти-хааны уһугуннарабыт. Хаһаайыстыба үлэһиттэрин үлэтин кыратык эмэ чэпчэтэбит диэн үөрэ саныыбыт.
Атын улуустар эмиэ бу холобуру батыһалларыгапр ыҥырабыт.
Туйаара ПОПОВА, «Ньургуһун» уһуйаан иитээччитэ.
Чакыр нэһилиэгэ, Амма улууһа.
,
edersaas.ru сайтка анаан.