Өрөспүүбүлүкэҕэ судаарыстыба уонна чааһынай бииргэ үлэлээһиннэригэр үчүгэй түмүктэр ситиһилиннилэр

“Бүгүн 2015 сылга саҕаламмыт судаарыстыба уонна чааһынай бииргэ үлэлээһин бырайыактарынан үчүгэй түмүктэри ситистибит. Дьокуускайга уонна оройуоннарга 8 оскуола уонна уһуйаан үлэҕэ киирдэ. Киин куоракка бөдөҥ бибилэтиэкэ, ону тэҥэ 300 миэстэлээх кэнсиэртиир саалалаах Оҕо искусствотын дьиэтэ тутулунна”, — диэтэ Саха сирин баһылыга Айсен Николаев муус устар 25 күнүгэр Ил Түмэҥҥэ отчуотун кэмигэр.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.