Олунньу саҥатыгар Бүлүү улууһун Үгүлээтигэр Василий Лукин кыбыытыгар саһыл киирбит. Агафья Онопрова күнүс хотон көрө диэн кэлбит, кыбыыга тахсыбыта окко ыт түүрүллэн баран сытар эбит. Чугаһаабытыгар анарааҥҥыта кулгааҕын чөрөтөн олоро биэрбитигэр көрбүтэ баай хара тыа мааныылаах кыыла саһыл буолан биэрбит, адьас куттамматах,олорбутун курдук олорбут. Агафья дьиэҕэ киирэн балта Юннаҕа эппитигэр, тута сүүрэн тахсан сотовайын камератыгар устубут. Хомойуох иһин, дьиэ таһыгар киирбит саһыл барахсан үйэтэ уһаабатах, биир булчут ыт тутан кэбиспит. Бу кэмҥэ халлаан 50 кыраадыс тымныы эбит.
+1
+1
+1
+1
+1
+1
+1