Балаҕан ыйын 27-28 күннэригэр Дьокуускайга Ыччат хотугу форума ыытыллыаҕа. Тэрийээччилэр форуму көрсө челлендж саҕалаатылар.
Челленджкэ ким баҕалаах кыттар. Сүрүнэ — аан дойду хоту эрэгийиэннэригэр олорор норуоттары арыйан видеоҕа уһулуу. Видеоны социальнай ситимнэргэ уган, #мсф2020 #nyf2020 хэштегтэри суруйаҕыт уонна үс доҕоргор «челленджкэ кыттыс» диэн ыҥырыылаах ыытаҕын.
Тэрийээччилэр кыайыылаахха «I Speak English» диэн аангылыйа тылын үөрэтэр киинтэн биир ый устата босхо дьарыктанарга сэртипикээти туттарыахтара. Түмүк балаҕан ыйын 26 күнүгэр тахсыаҕа.
Ыччат хотугу форумун уонна кыттыы туһунан nsdf.ru саайтка ааҕыҥ.
Тэрийээччи Сардаана Сыромятникова челленджигэр Мароккоттан кэлбит ыалдьыт уонна Кэбээйи Сэбээн Күөлүттэн Никифор Ефремов кытыннылар.
https://www.instagram.com/p/CEp0CFQoKOf/?igshid=9g6x2zxg2fj8
edersaas.ru
Хаартыска — СИА.
+1
+1
+1
+1
+1
+1
+1