Ыччат Бырабыыталыстыбата Саха сирин социальнай-экэнэмиичэскэй сайдыытыгар бырайыактары бэлэмниэҕэ
CӨ Бырабыыталыстыбатын бэрэссэдээтэлэ Андрей Тарасенко Ыччат Бырабыыталыстыбатын кэлэр үс сылга үлэтин былаанын кытта билистэ.
Көрсүһүүгэ Ыччат Бырабыыталыстыбатын бэрэссэдээтэлин э.т. Петр Бурнашев саҥа састаап бырайыагынан уонна анаалыстыыр, муниципалитеттары кытта үлэлэри күүһүрдэрин туһунан кэпсээтэ. Итиэннэ атын эрэгийиэн ыччатын, киин куораттарга Саха сириттэн үөрэнэр устудьуоннары кытта кэккэ тэрээһиннэри ыытар былааннаахтарын бэлиэтээн эттэ.
Андрей Тарасенко концепцияны өйөөтө уонна Ыччат Бырабыыталыстыбатыттан Саха сирин социальнай-экэнэмиичэскэй сайдыытын хайысхаларынан бырайыактары күүтэрин иһитиннэрдэ. «Бырабыыталыстыбаҕа турар соруктары бэйэҕит бырайыактаргытынан ситэрэн биэриҥ. Тыа хаһаайыстыбатыгар, бырамыысыланнаска, нэһилиэнньэ дьарыктаах буолуутугар ыччаты сыһыарыыга бэйэҕит көрүүлэргитин, этиилэргитин киллэриҥ. Өрөспүүбүлүкэ олоҕор ыччат кыттыһара, сайдыытыгар бэйэтин кылаатын киллэрэрэ суолталаах», — диэн премьер эттэ.
Бу туһунан Ыччат Бырабыыталыстыбатын пресс-сулууспата иһитиннэрэр.