Ыччат бэлиитикэтэ – диэн туспа эйгэ, киһини араас хайысханнан сайыннарар кыахтаах хамсааһын. Кини култуураны, билими, спорду уонна бэлиитикэни сомоҕолуур. Ыччат санаатын олоххо киллэрэр кыахтаннаҕына сайдыы барар. Маны тэҥэ, ыччат бэлиитикэтэ диэн кэм-кэрдии, инникибитин оҥостор кэммит. Ити кэмҥэ үөрэнэбит, ситиһиилэнэбит, олох тутулун кытта билсэбит. Ити сылдьан хас биирдии киһи санаатын этэр, сайдар, көмө булар кыахтаах эйгэни үөскэтэбит. Ити эйгэҕэ түмсүбүт ыччат кыайтарбаты кыайар, самныбаты самнарар күүстэнэр. Дойдубут кэскилэ эдэр көлүөнэттэн тутулуктаах. Ыччат төһө сайдыылаах да оччоннон дойду сырдык кэскиллээх.
Арассыыйаҕа ыччат бэлиитикэтин былаас олус күүскэ өйүүр. Эдэр дьон сайдалларыгар туох баар усулуобуйаны барытын үөскэтэр. Ыччат үөрэҕи баһылыырыгар баҕа эрэ наада. Стипендия, уопсай көрүллэр, араас таһымнаах тэрээһиннэр, быыстапкалар, үөрэхтэр тэриллэллэр. Эппиккэ дылы, санныгар бастаах киһи тугу баҕар ситиһиэн сөп. Эдэр сааһы туһата суоҕунан дьарыгыран тыалга көтүтэр дьон элбэҕэ хомолтолоох. Ыччат сөптөөх быһаарыныытыттан бэйэтин эрэ кэскилэ буолбакка, дойдутун сайдыыта тутулуктаах. Холобур, Саха Өрөспүүбүлүкэтигэр ыччат сайдарыгар Ил Дархан Егор Борисов улахан болҕомтотун уурара мээнэ буолбатах. Оҕо хамсааһына, ыччат министиэристибэтэ, эдэр спортсменнар, ырыаһыттар, артыыстар олус сайыннылар. Саха Өрөспүүбүлүкэтин аан дойду таһымыгар көмүскүүр кыахтаннылар. Ыччат бэлиитикэтэ үчүгэйдик ыытыллар буоллаҕына дойдубут инникилээх. Ыччат бэлиитикэтэ — диэн сайдыыны түстүүр эйгэ.
Николай Попов, edersaas.ru