Айылҕа харыстабыла Маны аах Сүрүн

ЫБММ көтөр ааллара ойуур баһаардарын умуруорууга 4 тыһ. т ууну бырахтылар

Билигин социальнай ситимнэринэн ойуур баһаардарын умуруорууга көтөр ааллар үлэлээбэттэр диэн сымыйа сурахтар тарҕанар буоллулар. Дьиҥэр, ЫБММ  Бе-200 уонна Ми-8 суудуналара Саха сиригэр ойуур баһаардарын умулларыыга үлэлээн, уопсайа ый устата  4 тыһыынча туонна кэриҥэ ууну бырахтылар.
Санатан эттэххэ,  Бе-200 амфибия-сөмөлүөт өрөспүүбүлүкэҕэ ыйтан ордук үлэтээтэ. РФ ЫБММ сөмөлүөтэ СӨ Ил Дархана Айсен Николаев сайаапкатынан өссө бэс ыйын 6 күнүгэр кэлбитэ. Маны таһынан өрөспүүбүлүкэ баһылыгын сайаапкатынан ааспыт нэдиэлэҕэ Уһук Илин атын эрэгийиэннэриттэн өссө үс бөртөлүөт кэлэн, улуустарынан үлэлииллэр.
ЫБММ Саха сиринээҕи управлениета иһитиннэрбитинэн, бэс ыйын саҕаланыаҕыттан  Бе-200 уонна Ми-8 көтөр ааллар үөһэттэн  746-та уопсайа  3899 туонна ууну бырахтылар. Ол курдук  Сунтаар, Уус Маайа, Уус Алдан, Мииринэй, Ньурба, Томпо уонна да атын улуустарга үлэлээтилэр. Бе-200 Мииринэйгэ, оттон бөртөлүөттэр Дьокуускайга базаланаллар.
«Бэҕэһээ биир бөртөлүөт Уус Маайаттан кэлбитэ. Бүгүн биир суудуна Хаҥалас улууһугар Өлүөнэ очуостара пааркаҕа баран үлэлиэхтээх», — диэн ЫБММ Саха сиринээҕи управлениетын пресс-сулууспатын начаалынньыга  Ксения Рахматулина иһитиннэрдэ.
edersaas.ru
0
0
Telegram @edersaas20