Авиалесоохрана суһал чахчытынан, Саха сирин сиригэр-уотугар 46 ойуур баһаара баар, суукка устата 9 баһаары (уопсай иэнэ 278 тыһ. гектар) умулларбыттар. Умулларыыга туһааннаах күүстэр управлениеларынан түмүллүбүт 1,1 тыһ. киһи уонна 97 тиэхиньикэ кыттыбыта, диэн СИА-ҕа ЫБМ пресс-сулууспата иһитиннэрдэ.
Уус Маайа оройуонун нэһилиэнньэлээх пууннарыгар Арассыыйа ЫБМ исписэлиистэрэ кытыннылар. Минерализованнай балаһалары кэҥэтиигэ, уоту умулларыыга уонна ситэ умулларыыга үлэ ыытыллар, оттон биэдэмистибэ авиацията 443 туонна ууну кутта, 151 киһини көһөрдө уонна 8,4 туонна таһаҕаһы илтэ.
“Нэһилиэнньэлээх пууннары баһаартан көмүскээһиҥҥэ бары тэрээһиннэри толордубут, нэһилиэнньэлээх пууннарга уонна экэниэмикэ эбийиэктэригэр куттал суоһаабат. Уус Маайа оройуонугар күүстээх үлэ ыытыллар, манна ойуурга 9 баһаар умайар. Умулларыы, күүһү түмүү үлэтэ бүгүн торумнанна”, — диэтэ Арассыыйа ЫБМ Саха Өрөспүүбүлүкэтигэр кылаабынай управлениетын начаалынньыга Павел Гарин.
Исписэлиистэр салгын туругун кэтииллэр. Роспотребнадзор Саха сиринээҕи управлениета уонна Гидрометеосулууспа Саха сиринээҕи управлениета нэһилиэнньэлээх сирдэргэ салгыҥҥа химическэй эттик төһө баарын лабораторнай хонтуруол көмөтүнэн быһаараллар.
СИА.
Бэлэмнээтэ Женни Стрюкова
Хаартыска: тустаах саайтан