Интэриэһинэй Култуура

«ЯТЭК» дизайнердарга уонна архитектордарга күрэс биллэрдэ



«ЯТЭК» ПАУо Кыһыл Сыырга арт-эбийиэктэри оҥорорго дизайнердарга уонна архитектордарга күөн күрэһи биллэрдэ.

edersaas.ru

Бу көҕүлээһининэн хампаанньа эдэр худуоһунньуктары өйүүр уонна бөһүөлэк архитектурнай көрүҥүн тупсарар былааннаах. Күрэс бэс ыйын 1-30 күннэригэр ыытыллар.

Күрэс устатыгар дизайнердар бөһүөлэги тупсарыыга тус бэйэлэрин көрүүлэрин дьүүлгэ таһаарыахтара. Тэрийээччилэр санааларынан эдэр худуоһунньуктар Кыһыл Сыыр дьиэлэрин уонна дьоҕус архитектурнай эбийиэктэри саҥатытан, бөһүөлэккэ сонун көрүҥү биэрэн айан таһаарыахтара, аныгы ускуустубаны сайыннарыахтара, стрит-артка күрэхтэһиэхтэрэ.  Кыайыылааҕы дьүүллүүр сүбэ быһаарыа уонна 350 тыһ. солкуобай бириис туттарыахтара.

Күрэс балаһыанньатын туһунан бу ссылкаҕа киирэн көрүҥ. Ону таһынан куонкуруска кыттыан баҕалаахтар PR@yatec.ru электроннай почтаҕа сайаапка киллэрэҕит. Сайаапка формата манна баар.

«Саха сирэ» хаһыат, edersaas.ru

Хаартыска sakha.gov.ru

0
0