Кэлэр сыл тохсунньу 18-19 күннэригэр Красноярскайга буолар Миндиашвили академиятын турнирын кыайыылаахтара “Иван Ярыгин” Гран-при рейтиннээх күрэхтэһиитигэр кыттар быраабы ылыахтара.
Миндиашвили академиятын түһүлгэтэ дойду бөҕөстөрүгэр “Иван Ярыгиҥҥа” кыттарга тиһэх кыаҕынан буолуоҕа. Ол эбэтэр, дойду сүүмэрдэммит хамаандатын сүрүн тириэньэрэ Дзамболат Тедеев иһитиннэрбитинэн, Красноярскай түһүлгэтигэр ыйааһын аайы үстүү бөҕөс кыттыаҕа: 2018 сыл лидерэ (аан дойду чөмпүйэнээтигэр Арассыыйа аатыттан кыттыбыт тустуук) итиэннэ “Аланы-2018”, Миндиашвили академиятын турнирдарын кыайыылаахтара.
Ахсынньы 24 күнүнээҕи туругунан, “Иван Ярыгин-2019” Гран-при турнирыгар Арассыыйа аатыттан кыттар быраабы ылан олороллор: 57 кг —Заур Угуев, Абасгаджи Магомедов; 61 кг — Гаджимурад Рашидов, Рамазан Ферзалиев; 65 кг — Ахмед Чакаев, Муслим Сайдулаев; 70 кг — Магомедрасул Газимагомедов, Давид Баев; 74 кг — Заурбек Сидаков, Тимур Бижоев; 79 кг — Ахмед Гаджимагомедов, Гаджи Набиев; 86 кг — Даурен Куруглиев, Владислав Валиев; 92 кг — Батырбек Цакулов, Анзор Уришев; 97 кг — Абдулрашид Садулаев, Владислав Байцаев; 125 кг — Анзор Хизриев.
Роман Попов
Хаартыска Интэриниэттэн ылылынна.