Иван Ярыгин кэриэһигэр норуоттар икки ардыларынааҕы Гран-при турнирга Семен Владимировпыт сүүмэрдиир хапсыһыыга хотторон күрэхтэһиигэ кыттыбат буолла.
Арассыыйаттан 57 киилэҕэ диэри ыйааһыҥҥа кыттарга сүүмэрдиир хапсыһыыга Саха сиринээҕи олимпийскай эрэл училищетын иитиллээччитэ норуоттар икки ардыларынааҕы кылаастаах спорт маастара Азамат Тускаевка 12:2 ахсаанынан баһыйтарда.
Бастакы түһүмэх 4:2 ахсаанынан осетин бөҕөһүн туһатыгар түмүктэннэ. Иккискэ Тускаев уолбутун атаҕыттан ылан субуруччу эргитэн ахсааны 12:2 оҥордо.
Дьахталлар тустууларыгар олимпийскай эрэл училищетын иитиллээччитэ Ирина Афанасьевабыт бастакы эргииргэ дойду сүүмэрдэммит хамаандатын чилиэнигэр Вероника Чумиковаҕа 10:0 ахсаанынан сабырыйтарда.
Роман Попов, “Саха сирэ” хаһыат, edersaas.ru