Иван Ярыгин аатынан көҥүл тустууга норуоттар икки ардыларынааҕы XXVIII Гран-при турнирга Саха сирин тустууга кыһатын иитиллээччилэриттэн барыта 21 бөҕөс кытынна. Кинилэр кимнээҕи кытта хайдах киирсибиттэрин туһунан мантан аллараа бэриллэр матырыйаалга билсиҥ.
57 кг Арыйан Тютрин – түөрт эргиир: икки кыайыы, икки хотторуу. Хасегаваны (Япония) 8:8, Александрову 13:7, Угуевка 2:8, Идрисовка 6:9. Ылбыт бааллара – 29, сүүйтэрбит бааллара – 32. Кыаҕынан туһунна.
57 кг Ньургун Александров – икки эргиир: Аказаваны (Япония) 10:0, Тютриҥҥа 7:13. Кыаҕын ситэ туһаммата. Тустар таһымыгар киирбэккэ сылдьар.
57 кг Эдуард Григорьев – икки эргиир: Ильясовы 10:2, Исрапиловка 0:11. Киниттэн элбэҕи кэтэспиппит. Эрэлбитин толорбото.
57 кг Владимир Флегонтов – биир эргиир: Исрапиловка 6:16. Төһө да албаска киирэн биэрдэр, толлубакка харса суох кииристэ.
57 кг Георгий Окороков – биир эргиир: Машезовка 0:5 (ыраастык). Эдэр уол бастакы сүрэхтэниитэ.
61 кг Виктор Рассадин – биэс эргиир: түөрт кыайыы, биир хотторуу. Шарастепановы 3:2, Медведеви 5:2, Чакаевка 2:13, Санаевы (Казахстан) 10:0, Куулары 12:6. Бэйэтин кыаҕынан туһунна. Чакаевка албаска киирэн биэрдэ.
61 кг Егор Пономарев – үс эргиир: икки кыайыы, биир хотторуу. Охлопковы 4:0, Бекреневу 3:1, Кууларга 0:11. Сатаан арыллан тустубата. Онон кыаҕын көрдөрбөтө.
61 кг Ньургун Скрябин – үс эргиир: биир кыайыы, икки хотторуу. Муталимовы 4:2, Рашидовка 1:4, Хигучига (Япония) 0:10. Урукку тустар таһымыттан ыраах. Наһаа кэтэһэн-манаһан, бэйэтэ кимэ сатаабакка туһунна.
61 кг Андрей Бекренев – икки эргиир: биир кыайыы, биир хотторуу. Батсайханы (Монголия) 3:0, Пономаревка 1:3. Кыаҕынан туста сатаата. Киирсиигэ баҕалааҕа киһини үөрдэр.
61 кг Вячеслав Ефремов – биир эргиир. Батоевка 10:12. Кыайыыны мүччү тутта. Хапсыһыы хаамыытын хонтуруоллаабата. Ыһыллаҕас.
61 кг Дьулустан Булатов – биир эргиир. Жамаловка 1:3. Таһыма тиийбэтэ.
61 кг Николай Охлопков – биир эргиир. Пономаревка 0:4. Кэлин кэмҥэ хайдах эрэ уота-күөһэ суохтук тустар.
61 кг Револий Самсонов – биир эргиир. Медведевкэ 0:5. Таһыма тиийбэтэ.
61 кг Айхан Антонов – биир эргиир. Жендаевка 0:10. Таһыма тиийбэтэ.
65 кг Виктор Степанов – түөрт эргиир. Икки кыайыы, икки хотторуу. Ондары 12:2, Валиевка 2:13, Усмоновы (Узбекистан) 10:0, Джафарига (Иран) 7:8. Кыайан иһэр киирсиилэригэр хоттортоото.
65 кг Константин Власов – биир эргиир. Филипповка 1:6. Ыһыллаҕастык кииристэ.
65 кг Иван Ефремов – биир эргиир. Мортуй Оолга 0:3. Баҕата баһаам да, маастарыстыбата тиийбэтэ.
70 кг Дьулустан Сивцев – биир эргиир. Баттулганы (Монголия) ыраастык кыайан баран, илиитин эчэтэн салгыы тустубата.
70 кг Тимур Николаев – үс эргиир. Биир кыайыы, икки хотторуу. Талбудины (Казахстан) 5:0, Сидаковка 0:3, Джукаевка 1:1. Бэйэтин кыаҕынан туһунна. Баат биэрбэтэ.
70 кг Герман Устинов – биир эргиир. Суюнчевка 0:6. Күүрэн хаалан, арыллан тустубата.
97 кг Евгений Коломиец – икки эргиир. Магомедовка 2:14, Белоновскайга 4:6. Кыаҕынан туста сатаата.
Петр ПАВЛОВ, «Саха сирэ», http//edersaas.ru