Эдьигээн улууһугар 40-ча саастаах дьахтар ийэтин өлөрүүгэ уорбаланан тутуллан хаайылынна.
РФ Силиэстийэлиир кэмитиэтин Саха сиринээҕи управлениета иһитиннэрбитинэн, бэс ыйын 15 күнүгэр бу дьахтар абааһы көрөр санааттан 68 саастаах ийэтин керамическай куруусканан хаста да төбөҕө охсубут.
Онтон куукунаҕа баран, быһах ылан кэлбит уонна ийэтин моойго үстэ быһаҕынан анньан өлөрбүт.
Уорбаланааччы быһаарбытынан, кини инсуллаан кыайан хаампат буолбут ийэтин көрөрүттэн сылайбыт, оҥорбут буруйун билиммит.
Силиэстийэ кэмигэр уорбаланааччы дьахтар силиэстийэлиир изоляторга хаайылынна.
Психолого-психиатрическай уонна да атын экспертизалар анаммыттар.
Биһиги корр., «Саха сирэ» хаһыат, edersaas.ru
Хаартыска: РФ СК Саха сиринээҕи управлениета.
+1
+1
+1
+1
+1
+1
+1