Емельян Ярославскай аатынан Дьокуускайдааҕы хотугу норуоттар култуураларын, историяларын үөрэтэр муcуой Бүтүн Арассыыйатааҕы I норуодунай куонкуруска куоластааһын түмүгүнэн, дойду үрдүнэн 1600 кыттааччыны кыайан, дьон-сэргэ сөбүлүүр, бастыҥ мусуойдар ахсааннарыгар киирдэ. Холобур, аатырбыт Третьяковскай галерея 37-с эрэ миэстэлээх. Уһук Илинтэн 50 иһигэр Саха сирин уонна Бурятия мусуойдара эрэ киирдилэр.
edersaas.ru
Бу үөрүүлээх түгэни бэлиэтээн, ахсынньы 13 күнүгэр киэһэ 5 чааска “Тапталлаах мусуойум” диэн тэрээһиҥҥэ ыҥыраллар. Бу күн сарсыарда 10 чаастан киэһэ 8-ка диэри мусуой аанын тэлэччи арыйар.
6 чаастан норуодунай суруйааччы Николай Якутскай “Төлкө” романынан туруоруллубут испэктээктэн быһа тардыылары көрүү, артыыстары кытары айар көрсүһүү, атах тэпсэн олорон ирэ-хоро кэпсэтии буолуоҕа.
Ол кэнниттэн 8 чааска диэри мусуой үлэһиттэрэ пуондаҕа харалла сытар сэдэх экспонаттар тустарынан кэрэхсэбиллээхтик кэпсиэхтэрэ, экскурсиялатыахтара.
Ангелина Васильева, “Саха сирэ” хаһыат, edersaas.ru
Мусуой аадырыһа: Ленин пр., 5/2. Билсэр төл.: 42-51-74, 34-35-27
+1
+1
+1
+1
+1
+1
+1