Саха Өрөспүүбүлүкэтин күнүн көрсө «Яндекс» хампаанньа бэлэх оҥордо: «Яндекс.Переводчик» сервискэ саха тыла баар буолла. Бу туһунан Ил Дархан Айсен Николаев «Инстаграмҥа» страницатыгар иһитиннэрдэ.
Сервискэ киирэн ханнык баҕарар саха тылын 98 омук тылынан тылбаастыахха эбэтэр омук тыла сахалыы хайдах тылбаастанарын билиэххэ сөп буолла.
https://translate.yandex.ru/— бу ссылканан киириҥ.
Ил Дархан Айсен Николаев: «Киберпространствоҕа саха тыла сайдарын уонна сүппэтин туһугар дьоһун үлэ буолла. Бастатан туран, бу кэлэр көлүөнэ дьоммутугар наада. Ис сүрэхпиттэн «Яндекс» хампаанньаҕа, чуолаан тылбаас отделын салайааччытын солбуйааччыга Антон Дворковичка махтанабын», — диэн суруйда.
Бу хамсааһын көҕүлээччитинэн Саха сирин Национальнай библиотекатын научнай үлэһитэ Алексей Иванов буолла.
edersaas.ru
+1
+1
+1
+1
+1
+1
+1