СӨ Быыһыыр сулууспата биллэрэринэн, ыам ыйын 31 күнүн сарсыардатыгар Өлүөнэ өрүс мууһа Эдьигээн улууһунан хойуутук устар. Дьааҥы көмүөлэ Усуйаана сиринэн ааһар, Халыма мууһа Аллараа Халыма улууһугар тиийбит. Алаһыай, Өлөөн, Индигиир өрүстэргэ муус хойуутук уста турар.
Өлүөнэ өрүс
Муус алын кырыыта Эдьигээн улууһугар Дьаардьан гидропост таһыгар бэлиэтэммит. Уу таһыма муус арыллыытыгар нуорматтан 0,9 миэтирэ аллараа эбит.
Дьааҥы өрүс
Нижнеянск гидропост таһынан модьоҕолообут муус көстөр, ыам ыйын 31 – бэс ыйын 1 күнүгэр муус эстэрэ көһүтүллэр.
Муус алын кырыыта Усть-Янск сэлиэнньэ үрдүнэн бэлиэтэммит, уу таһыма 497 см (түөрт чаас иһигэр +5 см), кутталлаах таһым — 1023 см.
Халыма өрүс
Халыма өрүскэ уу таһыма төттөрү үрдээн, Зырянка аэропуордун көтөр балаһатыгар уу төттөрү киирбит. Кэлэр икки хонукка уу 5-15 см үрдүүрэ сабаҕаланар.
Алаһыай өрүс
Андрюшкино аттыгар уу таһыма — 565 см. (суукка иһигэр +15 см), кутталлаах таһым — 1000 см.
Муус алын кырыыта Андрюшкино сэлиэнньэттэн 40 км. үөһээ бэлиэтэммит.
Өлөөн өрүс
Муус алын кырыыта Булуҥ улууһун Түмэт нэһилиэгиттэн 120 км. аллараа бэлиэтэммит. Уу таһыма — 1955 см (суукка иһигэр +128 см), кутталаах таһым — 2600 см.
Индигиир өрүс
Чокуурдаах диэки муус хамсааһынын бүгүн-сарсын күүтэллэр. Муус устуутун көхтөөх фазата Абый улууһугар бэлиэтэнэр. Муус алын кырыыта Үрүҥ Күөлтэн 100 км аллараа бэлиэтэммит, уу таһыма — 628 см. (суукка иһигэр -11 см) кутталаах таһым — 1202 см.
Саха сирэ» хаһыат, edersaas.ru
Хаартыска sakha.gov.ru