Ыам ыйын 25 күнүттэн «Дьокуускай — Аллараа Бэстээх» хайысханан паром бастакы сырыытын оҥороро былааннанар

Муус хойуутук устар кэмигэр «Дьокуускай — Аллараа Бэстээх» хайысханан аэроботтар сылдьыахтара. Бу кэмҥэ тарыып үс тыһыынча солкуобайга тиийэ буолуоҕа. Оттон ыам ыйын 25 күнүттэн бу хайысханан бастакы паром устара былааннанар диэн СИА суруйар.

Кэтээн көрүүнэн, өрүс Дьокуускай аннынан ыам ыйын 21-22 күннэригэр устуоҕа. Бу кэмҥэ салгын сыттыктаах суудуналар сылдьыахтара. Оттон муус хойуутук уһуннаҕына, аэробаттар эмиэ айанныахтара. Итиэннэ «Поялрыне авиалинии» хампаанньа бөртөлүөттэрэ нөҥүө кытылга дьону таһыахтара. Паром бастакы сырыыта ыам ыйын 25 күнүгэр былааннанар.

Билигин Өлүөнэ өрүс мууһа Өлүөхүмэ оройуонунан хойуутук устар.

СИА.