Ыам ыйын 16 күнүнээҕи туругунан Саха сиригэр саҥа баһаар бэлиэтэммэтэ

Ааптар: 
Бөлөххө киир:

2022 сыл ыам ыйын 16 күнүгэр сарсыардааҥҥы туругунан Саха сиригэр айылҕа баһаара бэлиэтэммэтэ. Ааспыт сууккаҕа саҥа баһаар бэлиэтэммэтэ диэн СӨ ЫБММ пресс-сулууспата иһитиннэрэр.

edersaas.ru

«Авиалесоохрана» чахчытынан, халлаан сылыйыаҕыттан Саха Өрөспүүбүлүкэтин сиригэр-уотугар 9 айылҕа баһаара биллибит, уокка былдьаммыт сир уопсай иэнэ 90,9 га тэҥнэһэр. Ойуур баһаарын умуруорууга Ыксаллаах быһыыны-майгыны сэрэтэр уонна туоратар Дьокуускайдааҕы территориальнай систиэмэтиттэн 8 киһини уонна 3 тиэхиньикэни, авиа разведкаҕа уонна көһөрүүгэ анаан 3 көтөр суудунаны сыһыарбыттар.

Ыам ыйын 16 күнүнээҕи туругунан, IV кылаастаах ойуур баһаара Өлүөхүмэ улууһугар баар. Куурбут мас умайбатын туһугар сэрэтэр үлэни ыытыыга кэтиир-хонтуруоллуур бөлөхтөр тэриллибиттэрэ. Манна борокуратуура, Арассыыйа ЫБММ кэтээн көрөр уорганнара, ИДьМ, Росгвардия, субъект баһаары утары сулууспата, ойууру кэтээн көрөр уорган, экология судаарыстыбаннай иниспиэксийэтэ, олохтоох салайыныы, о.д.а. киирэллэр.

Ойуур баһаарын сэрэтэр инниттэн суукка устата 2 кэтиир-хонтуруоллуур бөлөх үлэлээтэ. Нэһилиэнньэ тыаҕа тахсарын кэтиир 24 пост турда. Баһаартан сэрэхтээх буолуу ирдэбилин толорбот дьон административнай эппиэтинэскэ тардыллыахтара диэн СӨ ЫБММ сэрэтэр.

+1
0
+1
0
+1
0
+1
0
+1
0
+1
0
+1
0