Мэҥэ Хаҥалас, Чурапчы уонна Амма улуустарыгар үс ойуур баһаарын умулларыыга үлэ ыытыллар. Мантан иккитэ бохсулунна.
Бэҕэһээ Мэҥэ Хаҥалас уонна Амма улуустарыгар уоту утары охсуһууга Ми-8 бөртөлүөт көппүтэ.
Санатан эттэххэ, баһаартан кутталлаах буолуу сезона ыам ыйын 11 күнүттэн Мэҥэ Хаҥаластааҕы, Намнааҕы, Уус Алданнааҕы уонна Дьокуускайдааҕы лесничестволарга уонна ыам ыйын 12 күнүттэн Амматааҕы, Тааттатааҕы, Уус Маайатааҕы, Хаҥаластааҕы уонна Чурапчытааҕы лесничестволарга саҕаламмыта.
Амма улууһугар хонтуруолланар зонаҕа биир баһаар баар. Уопсай иэнэ 25 га. Билиҥҥитэ баһаары умулларыыга 29 киһи үлэлиир.
СӨ Экологиятын министиэристибэтэ ойуур баһаарын көрбүт буоллаххытына, тута эрэгийиэннээҕи диспетчерскай сулууспаҕа 8-4112-44-74-76, биитэр ойуур харыстабылын суһал линиятыгар 8-800-100-94-00 эрийиҥ диэн көрдөһөллөр.
edersaas.ru