Ыалга саалаах тиийэн өлөртөөбүт

Ааптар: 
Бөлөххө киир:

Бу быһылаан былырыын күһүн Горнай улууһун Бэрдигэстээх сэлиэнньэтигэр буолбута.

edersaas.ru


2016 сыл балаҕан ыйын 3 күнэ үүнэр түүнүгэр 27 саастаах киһи итирэн баран, гарааһыттан бултуур саатын ылан, 42 саастаах билэр киһитигэр барбыт. Киниэхэ ол киһи 15 тыһ. солк. иэстээх эбит, онтун ирдэһэ.

Анараата, биллэн турар, үөрэ көрсүбэтэх, ол-бу диэн саҥарбыт. Онуоха анаан-минээн саалаах быһаарса тиийбит киһи, дьиэлээх хаһаайыны иккитэ түөскэ саанан ыппыт.

Ол кэнниттэн, хоско дьахтар саҥатын истэн, онно киирэн, туоһу буолбутун иһин, дьахтары биирдэ төбөҕө ытан, миэстэтигэр өлөрбүт.

Икки киһини өлөрөн баран, бу киһийдэх дьиэтигэр кэлэн, саатын кистээн баран, олохтоох таксины ыҥыран, федеральнай суолга илтэрбит. Онтон массыына тутан, Дьокуускайга айаннаабыт.

Киин куоракка кинини Дьокуускай полициятын холуобунай ирдэбилин оперативниктара туппуттар.

Суут мунньаҕар өлөрүөхсүт буруйун сороҕун эрэ билиммит, буруйданар ыстатыйатын уларыттара сатаабыт.

Ол да буоллар, оҥорбут буруйа толору дакаастанан, СӨ Үрдүкү суута кинини 19 сылга кытаанах эрэсиимнээх холуонньаҕа көҥүлүн быһарга уурбут. Бириигэбэр сокуоннай күүһүгэр киирэ илик.

Бу туһунан СӨ Борокуратууратын пресс-сулууспата иһитиннэрдэ.

Вера МАКАРОВА, «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0