Саха тылын бастакы быһаарыылаах тылдьытын оҥорбут Эдуард Пекарскай олорбут Игидэй нэһилиэгэр бырабыыталыстыба сылын аайы үгэс быһыытынан ыытар отчуотун СӨ сыана бэлиитикэтин сүрүннүүр кэмитиэт бэрэссэдээтэлэ Антонина Винокурова салайан ыытта.
edersaas.ru
Нэһилиэк саҥа таас оскуолалаах, өрөспүүбүлүкэҕэ соҕотох хайыһар манежтаах. Оскуола «Точка роста» диэн бырайыакка кыттан, иистэнэр, уһанар, уруһуйдуур тэриллэринэн толору хааччыллыбыт.
Дэбдиргэ олохтоохторо бырабыыталыстыба 2019 сыллаах үлэтин “үчүгэй” диэн сыаналаата. Нэһилиэккэ киин ититии ситимигэр холбонуу кыайтарбакка турар. 30-ча ыал турбаларын тардынан бэлэм олорор эбит да, ититии ситимигэр холбоно илик. Нэһилиэк баһылыга этэринэн, бу 30 ыал кулун тутарга киин ситимҥэ холбонуохтаах. Хаалбыт ыаллары холбуурга улахан үлэ барыахтаах. Манна үп боппуруоһа быһаарылларын нэһилиэнньэ эрэнэ күүтэр.
Отчуоттуур бөлөх нэһилиэк оскуолатыгар, арыллаары турар нэһилиэк устуоруйатын мусуойун дьиэтигэр, киин хочуолунайга сырытта.
Ньургуйаана Иванова, «Саха сирэ» хаһыат, edersaas.ru
Хааартыска ааптар түһэриитэ