Ыалдьыбытыҥ туһунан сэртипикээти тиэс түмүктэринэн ылыахха сөп буолуоҕа

Ковидтан быһыыны ылбытын эбэтэр ыалдьа сылдьыбытын туһунан сэртипикээти антителаҕа «+» тиэскэ олоҕуран ылыахха сөп буолуоҕа.

Арассыыйа Доруобуйаҕа харыстабылын министиэристибэтэ итинник уларыйыыны COVID сэртипикээтигэр киллэрдэ.
Онон, олунньу 21 күнүттэн, тиэс түмүктэрин туһунан сибидиэнньэ судаарыстыбаннай өҥө биир кэлим порталыгар баар буоллаҕына, сэртипикээт порталга сайабылыанньаны биэрбитиҥ кэннэ 3 хонугу аһарбакка бэриллэр. Антителаҕа тиэс ханнык баҕарар көҥүллээх лабораторияҕа оҥоһуллуон сөп. Онуоха антитела таһымыгар ирдэбил суох – организмҥа баар буолла да сөп. Бу түгэҥҥэ сэртипикээт дьайар болдьоҕо 6 ый. Сэртипикээти иккистээн таһаарыллыбат.
Ону таһынан сэртипикээт ПЦР-тиэс «+» түмүгэр олоҕуран эмиэ бэриллэр. Маннык сэртипикээт дьайар болдьоҕо – 1 сыл.
Сэртипикээт судаарыстыбаннай өҥө порталыгар тус кэбиниэккэр «Ковид-19 иммунизация туһунан сибидиэнньэлэр» түһүмэххэ баар буолар.

Надежда ЕГОРОВА,  «Саха сирэ», edersaas.ru