Бэс ыйын 28 күнүнээҕи туругунан, суукка иһигэр 53 киһи коронавируһунан ыалдьыбыта билиннэ, 74 киһи үтүөрдэ диэн өрөспүүбүлүкэтээҕи суһал ыстаап иһитиннэрэр.
edersaas.ru
Дьокуускайга — 39, Нерюнгри оройуонугар – 5, Алдаҥҥа – 4, Хаҥалас улууһугар – 2, Үөһээ Бүлүүгэ, Бүлүүгэ, Уус Алдаҥҥа биирдии киһи ыарыйда. Ыалдьыбыт дьон бары балыыһаҕа киирдилэр, хантаактара биллэн, “изоляцияҕа” олороллор. Барыта 4128 киһи ыалдьыбытыттан, 3252 киһи (78,8%) Дьокуускайга олороллор.
Үтүөрбүт дьону этэр буоллахха, Дьокуускайга — 59 киһи, Нерюнгрига – 4, Үөһээ Бүлүүгэ, Горнайга – 3-түү, Мэҥэ Хаҥаласка – 2, Алдаҥҥа, Бүлүүгэ, Сунтаарга биирдии киһи балыыһаттан таҕыстылар. Барыта 3487 киһи үтүөрбүт.
Хомойуох иһин, дьаҥ туруоҕуттан 31 киһи тыына быһынна, билигин 34 киһи ыарахан туруктаах. Биир суукка иһигэр 4951 тест оҥоһуллубут.
Ангелина Васильева, “Саха сирэ” хаһыат, edersaas.ru
