Ыал ийэлэрэ халыктаах хаамыынан дьарыктаналлар

Ааптар: 
Бөлөххө киир:

Бу күннэргэ өрөспүүбүлүкэтээҕи Дьахталлар уопсастыбаннай сойуустара көҕүлээһининэн Чөл буолуу сылынан, өрөспүүбүлүкэ дьахталларын XV сийиэстэрин көрсө уонна Арассыыйатааҕы Ийэ күнүн дэкээдэтин чэрчитинэн улуустарга хаалыктаах хаамыыны тэрийэллэр. 

Нам улуууһун дьахталларын уопсастыбаннай тэрилтэлэрэ өрөспүүбүлүкэ биллиилээх партийнай диэйэтэлэ, намнар биир дойдулаахтара Илья Винокуров 125 сааһын, СӨ Дьахталларын сойууһун XV сийиэһин,  Саха сирин хомсомуола төрүттэммитэ  100 сылын көрсө  өрөспүүбүлүкэтээҕи «15000 хаамыы» аахсыйаны өйөөн, бу күннэргэ хаалыктаах хаамыыны тэрийдэ.

— Суолталаах тэрээһиҥҥэ улуус бары нэһилиэктэриттэн хаалыктаах хаамынан дьарыктанар биир тэҥ формалаах  дьахталлар уонна Нам сэлиэнньэтин «Хардыы» түмсүү чилиэннэрэ эрчимнээх хаамыынан Нам нэһилиэгин уулуссаларынан сэлэлээн хаамтылар. Тэрээһин кыттыылаахтара үөрүүлээх быһыыга-майгыга И. Е. Винокуров пааматынньыгар венок, сибэкки дьөрбөтүн уурдубут, — диэн Нам улуууһун дьахталларын уопсастыбаннай тэрилтэлэрин салайааччытьа Ирина Находкина иһитиннэрдэ.

Оттон Амма улууһун дьахталлара нэһилиэктэригэр ыытыллар бары тэрээһиннэргэ өрүү актыыбынайдык кытталлар.  Кинилэр Чөл олох сылыгар анаммыт хаалыктаах  хаамыы  кэнниттэн айылҕаҕа алаадьылаах итии чэй иһэн, сэрээккэлээн хамсанан, доруобуйаҕа абыраллаах биир кыһыҥҥы күнү бэркэ астынан атаардылар. Бу туһунан «Амма олоҕо» хаһыат сырдатта.

Онон өрөспүүбүлүкэ дьахталлара хаалыктаах хаамыынан чөл олоҕу тургуталлар, үтүөҕэ-сырдыкка тардыһаллар.

Елена ПОТОЦКАЯ, “Саха сирэ” хаһыат, edersaas.ru

Хаартыскалар — социальнай ситимнэртэн.

+1
0
+1
0
+1
0
+1
0
+1
0
+1
0
+1
0